冬天要進補一下，海參花膠既可以補骨膠原又有益，無論係小朋友或者老人家都非常啱食！今日喺街市買到新鮮嘅日本花菇，花菇有我手板咁大，半隻用嚟燉湯半隻用嚟炒，小朋友都好鍾意！加上新鮮花菇味道非常清香，用燉既方法來煮，營養得以保存，加上唔使睇火！好懶好懶就有好味嘅湯飲啦！
今次我嘅花膠同埋海參係預先浸發咗，所以就寫唔到就唔發嘅步驟俾大家啦！花膠嘅做法步驟可以去YouTube重溫，海參就下次先影俾大家，或者再懶啲可以買已經發好嘅海參，要介紹嘅可以問我🤣🤣
步驟：
1. 鮑魚起肉洗乾淨放熱水煮1分鐘，取出再洗乾淨備用。
2. 大花菇洗乾淨後去除冬菇碇，切件備用
3. 瘦肉切4方粒，以跑活水的方法處理後洗淨，瑤柱略沖洗
5. 取出燉盅，加入海參及花膠，再燉煮半小時即可，加入少許鹽即可以食用
6. 如果想再豐富啲可以加埋螺頭，味道更加鮮甜！
花膠浸發