小時候住喺油麻地區，間唔中會去廟街或者旺角行街，周圍食嘢、周圍買嘢，好開心！
有陣時星期六得閒，會同妹妹去掃街，去廟街食炸大腸，大腸炸得香香脆脆，明知道唔係好乾淨都會照食，然後行去旺角食滷水大墨魚、滷水火雞腎……再去飲埋珍珠奶茶，過一個邪惡嘅週末🤣
呢排適逢有游水嘅大墨魚，又令到回憶喺腦裏面呼喚：快啲去食嘢啦，快啲去掃街啦！😈😈，但係，邊有時間啫😞😞
今日，買咗一條超級大嘅大墨魚，肉非常厚，墨魚嘅鬚仲好大添，一個人食唔晒，就同客人分享，整黑滷水大墨魚、整白滷水大墨魚，剩返個墨囊，仲可以用來整墨魚汁意粉，而家就等我哋一齊睇吓街邊檔嘅滷水墨魚係點樣整啦！屋企咁啱用晒甜醬，仲自製甜醬添，咁就唔使下下出去買啦！
白滷水材料：小茴香一茶匙、草果兩個、桂皮一至兩支、花椒一茶匙、香葉6至8塊、姜五至六塊、八角兩粒、水2.5公升左右
其他：橙色色素適量（我係用甘筍粉做嘅橙色色素，烘焙店有售）、鹽1.5茶匙（按喜好加減）
墨魚調味料：生抽一茶匙、麻油少許、魚少許、竹籤數支
1. 白滷水材料洗乾淨，放進已煲滾的水中，以中火煮30分鐘，加入鹽試味至合適
3. 盛起大墨魚，直至白滷水變冷，再放進墨魚，滷1小時
