無添加韓式水梨炆豬軟骨🐷

好多年前好鐘意睇《大長今》,最鐘意當然是睇下如何製作宮廷料理。最近又再睇多一次,研究一下如何煮,剛巧經過街市的豬肉檔,有賣非常新鮮的黑毛豬豬軟骨,於是就決定嘗試製作一下。

製作韓式烤肉,很多朋友都喜歡用韓式支裝醬料,貪其方便易煮,但是如果有留意營養標籤,韓式醃肉汁很多時都有增味劑(MSG),對身體無益,不如選用新鮮材料,味道也很好啊!

新鮮的豬軟骨沒有雪藏味道及豬肉的怪味,加入了新鮮韓國水梨後肉質更軟更滑。吃時與甘筍一同吃,微甜的甘筍提升了豬軟骨的味道。至於煮法並不需要太多技巧,只要有時間炆煮,就能吃到。

下次經過街市時見到靚豬軟骨就可以跟住試下啦!

材料:豬軟骨$60、韓國水梨1/4 個(磨蓉)、甘筍1條(切件)、薯仔一個(切件)、蒜頭3-4粒、紅蔥頭2個(切片)、蔥段適量

調味:豉油2-3湯匙(視乎咸度及口味)、梨蓉、冰糖少許、麻油1茶匙、水適量

步驟:

  1. 豬軟骨洗淨,以活跑水形式汆水後洗淨抹乾
  2. 在鍋中加入多一點的油,爆香蒜頭、紅蔥頭後放入甘筍及薯仔後盛起(爆香了的薯仔在炆時可保持形狀,無咁易散開)
  3. 在同一鍋中爆白蔥白,加入豬軟骨煎香
  4. 加入調味料及少量水,中小火煮20分鐘
  5. 加入甘筍及薯仔,再煮20分鐘,期間要不時開蓋看看,因薯仔會使醬汁變杰,所以有需要時再加水及調味
  6. 煮好後焗20-25分鐘,以叉插入肉看看是可已稔
  7. 如未稔要重覆以上步驟至稔即成
    如喜歡食譜,可讚好Facebook 《Daphne樂思廚》專頁,逢星期一、三、五都會有新食譜分享啊❤️

發佈留言

發佈留言必須填寫的電子郵件地址不會公開。 必填欄位標示為 *