日本新鮮花菇海參花膠湯

冬天要進補一下,海參花膠既可以補骨膠原又有益,無論係小朋友或者老人家都非常啱食!今日喺街市買到新鮮嘅日本花菇,花菇有我手板咁大,半隻用嚟燉湯半隻用嚟炒,小朋友都好鍾意!加上新鮮花菇味道非常清香,用燉既方法來煮,營養得以保存,加上唔使睇火!好懶好懶就有好味嘅湯飲啦!

今次我嘅花膠同埋海參係預先浸發咗,所以就寫唔到就唔發嘅步驟俾大家啦!花膠嘅做法步驟可以去YouTube重溫,海參就下次先影俾大家,或者再懶啲可以買已經發好嘅海參,要介紹嘅可以問我🤣🤣

材料(三碗燉湯份量):日本大花菇一隻(我只用了半隻,剩餘的半隻用來炒)、已浸發花膠一條、已浸發海參一條、瑤柱三至四粒、熱水適量、瘦肉$30、大連鮑魚4-6隻

步驟:

1. 鮑魚起肉洗乾淨放熱水煮1分鐘,取出再洗乾淨備用。2. 大花菇洗乾淨後去除冬菇碇,切件備用3. 瘦肉切4方粒,以跑活水的方法處理後洗淨,瑤柱略沖洗

4. 把瘦肉、瑤柱、鮑魚及大花菇加入燉盅,加入熱水至八成滿,先燉煮2.5小時
5. 取出燉盅,加入海參及花膠,再燉煮半小時即可,加入少許鹽即可以食用
6. 如果想再豐富啲可以加埋螺頭,味道更加鮮甜!

花膠浸發

發佈回覆

你的電郵地址並不會被公開。 必要欄位標記為 *