尋日突然間心血來潮想食好香蔥味嘅食品，腦海中諗咗好多唔同嘅菜式出嚟：蔥油雞、蔥油餅、不得了烤雞、蔥油拌麵…….最後就選擇咗蔥油拌麵，因為容易煮，又一碟過，方便方便！

開洋蔥油拌麵嘅開洋，喺浙江嘅方言係解做蝦米，睇落去平平無奇嘅麵條，加入咗濃郁嘅蔥油、冬菇同埋蝦米之後頓時變得唔一樣，不過始終加咗蔥油，有啲肥，唔可以成日食啊！