Massaman curry 曾經係我最鍾意嘅咖喱之一，記得中學嘅時候仲係唔係好食得辣，但係間唔中都會同同學去食泰國菜，係呢個時候通常就會叫呢款咖喱。帶着香草味既massaman 咖喱，味道濃郁但係唔辣，好適合想食咖喱又唔食得辣嘅朋友。

Massaman curry 係泰國南部嘅咖喱代表，佢用上烤過嘅香草材料，所以味道特別香濃，平時主要搭配羊肉，今次用嚟煮雞腳，味道也不錯呢！