熟客話曾經好多年前喺一間餐館食過呢度菜式，由於係秋季限量嘅關係，只係食過一年之後就冇咗啦。但係佢就念念不忘鹹蛋黃加埋蟹粉嗰種濃香嘅味道，於是搵我來試一試做，睇吓做唔做得返嗰種味道。
呢個鹹蛋黃蟹粉試咗整兩三次，試驗落唔同份量嘅花雕酒，同埋唔同數量嘅鹹蛋黃做出來嘅分別。最後發現用兩隻鹹蛋黃樽、少許花雕，就能帶出蟹嘅鮮味同事鹹蛋黃唔會搶咗蟹嘅香味。
試驗完畢，本身打算尋日send出去俾客人先發現睇錯日期🤣🤣好彩最後都有朋友食咗，評論都唔錯就寫食譜俾大家啦！
調味料：糖半茶匙、鹽少許、紹興酒一瓶蓋
其他：生粉水適量、蔥適量、水200 ml、紅蔥頭兩粒（一開4）
蟹粉汁
1. 鹹蛋先取蛋黃，放在蒸籠蒸10分鐘取出後備用
2. 大閘蟹乸蒸20分鐘，放涼後取肉及膏。蟹殼留用，蟹腮去掉
3. 蟹殼放在白鑊炒香
加入200 ml 的水煮滾後轉成細火，煲15分鐘即成蟹湯
1. 伊麵首先用滾水煲一會兒至軟，取出洗乾淨備用
2. 芽菜去頭尾，洗乾淨備用。3. 在鍋中爆香兩粒紅蔥頭，加入芽菜快炒一會，加入伊麵及兩湯匙的蟹湯、少許鹽及蠔油，拌勻煮2分鐘即可
擺盤
1. 在碟中放上伊麵，再注入蟹粉汁，上面放上大閘蟹的蟹蓋即可