呢排街市又有花蟹，話說係咁多蟹入邊其實我係最鍾意花蟹，雖然肉唔算好多，但係富有海水味而且鮮甜！

花蟹嘅食譜我製作咗好多，但係好少用花蟹來做湯羹。幾日前經過街市，買來兩隻藍花蟹、又經過豆腐店，見到剛剛整好嘅新鮮嫩豆腐，咁不如就將蟹肉同埋豆腐加埋一齊，整一個鮮甜非常嘅豆腐湯羹啦！

豆腐湯羹用上蟹殼同埋雞湯來熬製，簡簡單單但係好好味呢！