大家久候啦，今日終於有時間買返一件愛爾蘭有機三文魚，再煮多一次俾小朋友食，順手影吓相同大家分享一下煮三文魚嘅一啲心得。
三文魚魚油豐富，又有特別嘅魚香味，小朋友都好喜歡食。同平時煎魚一樣，要煎得靚嘅話就唔好反來反去，俾啲耐性就會煎到好靚嘅三文魚啦！
不過大家記得小心，由於三文魚魚油豐富，所以煎嘅時候油會好彈，要小心唔好燙傷啊！
1. 三文魚柳買回來後洗乾淨，用廚房紙把魚柳盡量抹乾水份，加入少許食鹽在魚肉上
2. 加入少許油在不鏽鋼鑊中，以中火燒滾直至看見油紋
3. 再次抹乾三文魚柳，把三文魚放在不鏽鋼鑊中，魚皮向下，以中火煎煮，直至魚肉中間的部份也呈白色的狀況
