屋企嘅小朋友都鍾意食豬仔髀，喜歡其肉質嫩滑，又有支骨拎住喺手容易食！一般用焗爐焗或者氣炸，比較香口。昨天黑色暴雨最好嘅節目就係喺屋企設計新嘅食譜。
今次用慢燉嘅方法去煮，醬汁嘅味道入晒啲豬仔比入邊，啲肉又腍又滑，好好味！
材料：豬仔髀八支、洋蔥半個（切粒）、蕃茄兩個（切粒）、百里香兩條、啡蘑菇四隻（切粒）、蒜頭兩粒（拍扁）
醬汁材料：茄膏1.5湯匙、糖適量、鹽1/3茶匙、黑椒碎少許、紅椒粉1/2茶匙、喼汁一茶匙、紅酒150毫升、雞湯250毫升
豬仔髀醃料：鹽少許、黑胡椒少許、生抽少許
步驟
1. 豬仔髀解凍後，用淡鹽水浸30分鐘，抹乾後在豬仔髀上鎅上淺刀紋，以醃料醃最少1小時
2. 在炒鍋中加入適量的油，先爆香洋蔥、蒜頭，然後加入啡蘑菇爆香，取出備用
3. 在同一個鍋中放進豬仔髀，煎香四邊，加入剛才爆香料的洋蔥蒜頭及啡蘑菇炒勻
4.把紅酒加進直至香氣四溢，然後加入蕃茄粒及其他醬汁材料煮滾
