老公讚好好味嘅菜式！點解無啦啦煮呢度菜式呢？其實有一個故事：話說幾個月之前有一間電視台嘅編輯曾經搵過我，問我有冇興趣參加一個廚藝比賽，可惜嗰幾個月我有好多旅行要去，所以就婉拒咗啦。

前兩日突然間睇到呢個廚藝比賽嘅精華片段，參賽者需要煮呢度菜式，我就心諗：「如果我喺現場嘅話會點樣煮呢？」，於是就喺街市買嚟三種主要嘅材料：腸粉、肉蟹同埋豬肉。

煎香左嘅腸粉加上簡簡單單煮嘅肉蟹同埋豬肉，肉蟹嘅鮮味入晒腸粉入邊，腸粉又大啲脆卜卜，老公話：「好好味呀！」

由於要記錄低點樣整，所以順手出個食譜俾大家，聽日放假有興趣嘅朋友仔可以試吓整。