秘製鮑魚雞煲

以前聽到朋友講話夜晚慶祝生日嘅時候屋企人會煮鮑魚雞煲,都會覺得好羨慕!屋企居然有鮑魚食!正!

去得街市多,就會知道鮑魚有唔同嘅種類:南非鮑魚、翡翠鮑魚、同埋最常見嘅大連鮑魚。

昨天在街市買來6頭的大連鮑魚,本身唔打算買鮑魚既我,去到街市見到老闆娘取出嘅六頭鮑魚,又忍唔住買咗🤣🤣🤣🤣再買來一邊新鮮三黃雞,做一個秘製沙薑鮑魚煲,自己做嘅鮑魚煲比出邊好食、比出邊新鮮,當然仲比出邊平啦!

材料:大連鮑魚六隻(去掉鮑魚殼)、三黃雞半隻、新鮮沙薑三片(盅碎)、蒜頭3-4粒、蔥頭3-4粒(一開4)

香草材料:中式芹菜2棵(取莖部位置切段,葉洗淨備用)、蔥段適量、莞茜適量、洋蔥一個(切件),以上香草分成兩份

醬汁:蠔油1.5湯匙、生抽2茶匙、糖少許、紅椒粉1茶匙(是秘方,一定要加呀),老抽少許、味醂一茶匙、黃酒1湯匙(也是秘方啊), 水適量
步驟
1. 鮑魚除殼洗淨,𠝹上格子紋,放滾水灼30秒後取出再洗淨
2. 雞切件,以1/2茶匙鹽醃30分鐘
3. 在鍋中加入2湯匙的油,先炒香蔥頭、蒜頭、沙薑,再加入香草材料(其中一份),爆香後把香草盛起備用
4. 加入雞件爆香至7成熟後加入鮑魚炒香,把炒香了的香草回鍋,加入黃酒至香氣四溢
呢款黃酒
5. 加入汁料煮滾(水量應為肉類的1/3),蓋上蓋子以中慢火煮5分鐘
6. 5分鐘後取出煮林了的香草
7.同時加入一份新的香草,蓋上蓋子,再煮2分鐘後試味至合適,加入生粉水至喜歡的稀杰度即可。

發佈回覆

你的電郵地址並不會被公開。 必要欄位標記為 *