身邊越來越多朋友係素食者，同佢哋傾偈嘅時候都會問吓其實有啲乜嘢食材可以用來煲湯呢？大部份嘅素食者都係同我講話用腰果煲湯湯特別甜！其實唔落肉去煲湯有陣時仲健康！
前幾天路經街市，見到有當造嘅魚翅瓜賣。魚翅瓜之所以叫魚翅瓜就係因為佢嘅肉有啲似魚翅，食起上嚟仲好清甜。魚翅瓜仲可以控制糖尿、促進新陳代謝，無論大人、老人家、小朋友都好啱食！
今次呢個素湯仲加咗栗子、紅蘿蔔同埋粟米去煲！好甜好甜。只需要三個步驟我就煲好啦係咪好簡單呢？
1. 魚翅瓜、粟米、甘筍去皮切件，除去魚翅瓜的黑色核
2. 燒熱3公升的水，把所有材料放進，大火煲滾，轉小火煲1小時，再轉大火煲15分鐘
3. 加入適量的鹽即可