泰式明爐魚🐟🐟🐟

去泰國餐館食飯好多人都鍾意食泰式明爐魚,尤其係冬天,暖暖嘅魚加埋酸酸嘅汁令人胃口大增!泰式明爐魚根據傳統整法通常會加酸梅同豬肉碎,但我個人唔係好鍾意食酸梅所以就研製左新嘅整法希望大家都鍾意啦😋!

材料:新鮮鱸魚一條、香茅兩支、南薑兩片、椰菜¼個、蒜頭兩粒、蔥頭兩粒、中國芹菜少許、芫荽少許、檸檬葉3塊、指天椒一至兩條、青檸一個步驟:

  1. 鱸魚洗淨及去內臟
  2. 香茅取根部位置一支切段,另一支切片
  3. 椰菜切絲、蔥頭及蒜頭去皮
  4. 中國芹菜取葉莖部則切段
  5. 指天椒切片
  6. 鍋中加入300毫升的水煮滾,加入香茅片蔥頭及蒜頭芹菜莖部煮10分鐘,加入鹽、椰糖及魚露試味,隔去湯渣備用
  7. 鱸魚洗淨後放南薑及香茅在魚肚內,放在滾水中蒸8至10分鐘(睇乎魚的大細)
  8. 在魚碟中放入少許中國芹菜葉及莞茜葉後放進魚再加上湯,在魚上再放上一些芹菜葉及莞茜葉,然後加入檸檬葉及指天椒片
  9. 煮熱後放入青檸汁即成!

發佈回覆

你的電郵地址並不會被公開。 必要欄位標記為 *