日式柚子醋沙薑涼拌蟶子

今天去海鮮檔買海鮮的時候,老闆娘游說我:「今日啲蟶子好靚喎,買番啲返去整嚟食下!」我心諗:「成日整蟶子,食嚟食去都係幾款食法,不如今日整個新嘅食法啦!」

回家後睇一睇有乜嘢材料,我覺得涼拌聖子加爆香左嘅乾蔥頭、沙薑同埋蔥應該幾香口!再加埋自製嘅醬汁,帶少少酸味降暑不錯!

材料:蟶子一斤

涼拌醬汁材料:生油一湯匙、紅蔥頭一粒(切碎)、沙薑一小塊(切碎)、兩條(切成條狀放在凍水中)

涼拌醬汁調味料:柚子醋一茶匙、日本豉油一湯匙、糖少許、味醂一茶匙、日本清酒一茶匙、麻油少許

步驟

1. 蟶子請海鮮檔代劏後,回家清洗內臟後放滾水煮1分鐘,取出用食用水洗淨,放涼後放雪櫃最少兩小時至涼

2. 在小鍋中加入生油,爆香紅蔥頭、沙薑及一半青蔥,加入涼拌醬汁調味料,煮一會兒,加入麻油,試味至合適

3. 把醬汁的青蔥取出,放涼醬汁後,在雪櫃取出蟶子,加入餘下的半分青蔥再加入醬汁拌勻即可食用

4. 食用時拌以青檸汁,味道更佳

發佈回覆

你的電郵地址並不會被公開。 必要欄位標記為 *