夠薑沙薑雞

由細到大對食材都充滿好奇心,每次去街市都會問吓媽咪呢樣係咩嚟?果樣係咩嚟?去得街市多就發現原來薑都有好多唔同嘅種類:肉薑、老薑、子薑、沙薑、黃薑、手指薑……

前幾天在九龍城買來新鮮沙薑同手指薑,加埋半隻泰安雞,就不如做一隻夠薑沙薑雞啦!

雞先以3款爆香了的薑粒、蔥頭、沙薑粉調味料醃好,再蒸熟斬件!比起平時的沙薑雞多了一重步驟,但添了很多香氣,值得!值得!

材料:新鮮泰安雞半隻、沙薑粒、肉薑粒及手指薑各一茶匙、蔥頭2粒(切粒)、蔥粒1茶匙、沙薑粉一茶匙、生抽少許、糖少許、紹興酒一瓶蓋
步驟:
1. 泰安雞買回來後洗淨抹乾水,以1.5茶匙的鹽醃1小時

2. 沙薑、肉薑、手指薑、紅蔥頭、蔥粒放在鍋中加少許油爆香,加入沙薑粉、紹興酒及生抽炒勻放涼。

3. 把炒香了的薑粒加入泰安雞(把少許薑粒塗在肉和皮中間),醃1小時
4. 把雞取出,除去所有薑粒及醃料,用蒸爐蒸22分鐘,放涼後斬件。
5. 醃製雞用的薑再次爆香,加入少許水、糖及生抽可以用來點雞。

發佈回覆

你的電郵地址並不會被公開。 必要欄位標記為 *