轉眼間又到左秋冬天，秋冬冬天嘅時候最鍾意食湯麵，暖暖嘅湯加埋熱辣辣嘅麵，簡單得來又好味！我成日覺得湯麵最好味嘅係碗湯，喺出邊餐廳食湯麵，最怕係食完之後好口渴，因為少不免加咗味精，所以湯麵還是喺屋企整好啲！

早前分享過濃雞湯底、豬骨湯底，但就未分享過牛骨湯底！今次既然想自己整來食，就順手寫埋食譜分享俾大家啦！

牛骨煲湯並唔難做，係需要一啲時間同埋一啲耐性，一次過煲起一大煲，可以分開放喺冰格嗰度慢慢用😀用來製作越式湯河粉、西式洋蔥湯、韓式牛骨湯、台灣牛肉麵……，發揮大家嘅創意😃今日本身打算食生牛肉湯檬點知買唔到檬粉，就用佢嚟整住洋蔥湯先啦！

小貼士：要牛骨湯煮得清澈，必須以中小火慢慢熬製，在熬製的途中如果見到湯上面浮住白色嘅泡泡，要盡量除掉；如果見到湯上面有很多油也要取掉；如時間許可，可以把煮好的湯放在雪櫃中，過一晚後把面層的油輕易除掉。