中菜 一鑊熟龍蝦海鮮飯 Posted by Daphne 樂思廚 on 2022-04-11 鍾意食海鮮嘅朋友都會知道海鮮原汁原味係最好味，用上最懶既方法，將海鮮放喺飯上面蒸熟，海鮮嘅鮮味落入白飯入面！用埋泰國買嘅蝦頭膏，為白飯增添惹味！ 最緊要係一鑊熟，懶人之選也！ 材料：龍蝦一隻、花甲六隻、花蟹一隻（拆肉）、其他海鮮、白米兩杯、蒜頭及蔥頭各兩粒（切粒）、雞湯兩杯調味料：泰國蝦頭膏一茶匙 步驟1. 龍蝦剪去龍蝦腳，切下龍蝦頭，把龍蝦頭的膏取出 2. 小鍋中加入少許油，爆香蒜頭及蔥頭，加入蝦頭膏炒香 用呢款 3. 把白米放進，炒香 4. 加入雞湯兩杯及龍蝦頭的膏及蟹肉煮滾，期間需要攪拌，上蓋子後轉小火先煮9分鐘 5. 9分鐘後放上龍蝦件，再次蓋上蓋子蒸煮8分鐘，最後加入花甲，蒸煮3分鐘即可。
