黑糯米酒煮雞蛋仔

小時候很喜歡和媽媽到街市,覺得每一樣野都有趣,無論係魚檔、菜檔定係雞檔都覺得好新奇。記得有一次,同媽咪去買新鮮雞,拎雞之後老闆娘話我哋好好彩,因為隻雞有雞蛋仔,非常好睇嘅我即刻睇一睇,嘩原來真係母雞入面一串串嘅雞蛋😍😍😍,立即問媽媽可以點樣整呢?媽咪就話:「當然係用嚟整雞酒啦!」。

那時候我只有八九歲左右,覺得酒應該係大人先飲得嘅。阿媽笑住話:「用黑糯米酒加少少落去,甜甜地,小朋友食少少唔緊要啦!」。嗰一次係我第一次品嚐酒嘅味道,甜甜地又幾好味喎!

現在喺街市好少見到有雞蛋仔賣,上次去雞檔買嘢嘅時候居然發現有,立即買回家,同我嘅小朋友一齊回味一下童年嘅味道啦!

材料:新鮮雞蛋仔及雞生腸一份、薑片3-4片
雞酒材料:黑糯米酒3瓶蓋、糖兩茶匙、蠔油一茶匙、生抽1-2茶匙、鹽少許、水100ml
步驟:
1. 雞蛋仔及雞生腸用少許鹽及生粉洗乾淨後瀝乾水
2. 在炒鍋中加入少許油,爆香薑片
3. 加入已洗淨的雞蛋仔及雞生腸煎香其中一邊(小心不要弄破雞蛋仔啊)
4. 加入黑糯米酒,煮一會,再加入其他雞酒材料,蓋上蓋子
5. 煮大約8分鐘左右,試味即成

發佈留言

發佈留言必須填寫的電子郵件地址不會公開。 必填欄位標示為 *