中菜 酥炸蝦米鯪魚球 Posted by Daphne 樂思廚 on 2022-06-14 偷懶嘅時候最鍾意整啲簡單但係又好味嘅菜式，酥炸鯪魚球係我同小朋友都鍾意食嘅菜式之一！魚肉經過油炸之後香噴噴，脆卜卜！ 自家製嘅鯪魚球仲可以加喜歡嘅材料入去，今次就加咗蝦米同埋蝦醬去調味，增加口感之餘仲可以增加鹹鮮嘅味道。 材料：鯪魚肉$15、蝦米一茶匙、果皮一小塊、蝦醬少許、魚露1/4茶匙、蔥花適量步驟1. 果皮浸軟，去掉果囊後切絲，蝦米洗淨後抺乾2. 鯪魚肉以順時針方向攪拌直至起膠，加入果皮絲、蝦米再攪拌至起膠 3. 加入蔥花拌勻 4. 燒熱油，在虎口位置擠出鯪魚肉丸，放滾油炸香 5. 炸時鯪魚球會膨脹變大，直至浮面則熟6. 稍為放涼即可食用（放涼後會縮小一點）
