去完旅行返嚟仲掛住當地嘅美食！趁味蕾仲記得地道嘅味道，快快脆脆整返個西班牙海鮮飯出嚟，記憶猶新寫過食譜記錄一下！下次想食嘅時候跟住自己個食譜整返當地嘅味道出嚟。
西班牙海鮮飯其實唔難整，不過鍋具有少少要求，就係需要淺底闊口嘅鍋具，另外湯底亦有少少要求，用新鮮嘅蝦整蝦湯底就最好味啦，我今日呢一個西班牙海鮮飯用咗大約1小時15分鐘去整，搞到遲咗食飯添！如果想整呢個飯嘅朋友仔早少少準備，難度不高係要啲時間啫❤️
兩人份材料：西班牙米150克、新鮮紅虎蝦五至六隻、新鮮魷魚一隻、蕃茄一個、洋蔥半個、紅色甜椒半個（今日唔記得咗買）、蒜頭兩粒（切粒）、清水1公升、VSOP適量、鹽適量、檸檬一個、番紅花大約15條、青口八隻（今日買唔到，所以用咗蜆去代替）、甜椒粉三份一茶匙
步驟：
蕃紅花先用熱水浸30分鐘
洗淨150克的西班牙米瀝乾水備用、洋蔥及蕃茄以及甜椒切粒備用
鮮蝦放在冰格內最少3小時，然後以流水的方式解凍，去除蝦殼及蝦頭（去除沙囊）留用，蝦身切成蝴蝶狀，除去蝦腸備用
蜆放在滾水中煮滾至開口，清洗一下入邊的沙粒備用
在鑄鐵鍋中加入適量的油，爆香一半的洋蔥
加入蝦殼及蝦頭炒香直至鍋底出現少許啡黑色
加入VSOP直至香氣四溢
注入1公升的清水，以大火煮滾，然後以中火煮15分鐘左右，期間需要去掉浮面的泡泡
15分鐘後用力按壓蝦頭，再煮一會兒，隔掉蝦殼，蝦湯應為大約375毫升（我們只需要用375毫升如果水還是太多的話需要再煮一會，如果水太少，就加一些水直至水量為375毫升）
在淺炒鍋中炒香剩下的洋蔥直至軟身，加入蒜粒炒香，然後加入蕃茄粒及紅椒粒炒香直至軟身，這個步驟需要一點耐性，要炒到蔬菜軟身才能釋出甜味
加入甜椒粉再炒一會兒
注入蝦湯及鹽，加入西班牙米，等待煮滾後，轉中火煮10分鐘
10分鐘後蓋上蓋子，轉為最小火，煮10分鐘
在另一個炒鍋中加入適量的油，煎向蝦及魷魚（海鮮煮到大約八成熟就可以）
打開蓋子，把海鮮放在飯上，再次蓋上蓋子轉大火煮一半至2分鐘，然後關火等待5分鐘
海鮮飯完成啦，加啲檸檬落去更加靚！想再靚啲加啲番茜啦，我今日唔記得咗買😌