以前聽到朋友講話夜晚慶祝生日嘅時候屋企人會煮鮑魚雞煲，都會覺得好羨慕！屋企居然有鮑魚食！正！
去得街市多，就會知道鮑魚有唔同嘅種類：南非鮑魚、翡翠鮑魚、同埋最常見嘅大連鮑魚。
昨天在街市買來6頭的大連鮑魚，本身唔打算買鮑魚既我，去到街市見到老闆娘取出嘅六頭鮑魚，又忍唔住買咗🤣🤣🤣🤣再買來一邊新鮮三黃雞，做一個秘製沙薑鮑魚煲，自己做嘅鮑魚煲比出邊好食、比出邊新鮮，當然仲比出邊平啦！
香草材料：中式芹菜2棵（取莖部位置切段，葉洗淨備用）、蔥段適量、莞茜適量、洋蔥一個（切件），以上香草分成兩份
醬汁：蠔油1.5湯匙、生抽2茶匙、糖少許、紅椒粉1茶匙（是秘方，一定要加呀），老抽少許、味醂一茶匙、黃酒1湯匙（也是秘方啊）， 水適量
1. 鮑魚除殼洗淨，𠝹上格子紋，放滾水灼30秒後取出再洗淨
2. 雞切件，以1/2茶匙鹽醃30分鐘
3. 在鍋中加入2湯匙的油，先炒香蔥頭、蒜頭、沙薑，再加入香草材料（其中一份），爆香後把香草盛起備用
