大閘蟹粉製作方法

轉眼間又到左秋天,又到左大閘蟹肥美嘅季節!一般人食大閘蟹最鍾意就係原隻蒸,貪佢原汁原味,但係亦有朋友對拆蟹有啲抗拒,所以製作蟹粉就大家都可以品嚐到大閘蟹嘅鮮味!

坊間雖然都有大閘蟹粉買,但係始終唔知道用邊度嘅大閘蟹來做,亦唔夠自己用新鮮大閘蟹做蟹粉咁鮮味,一年一次就自己試吓做啦!

材料:大閘蟹5兩)(乸3隻,拆肉之後大約有135g)、生油100g、薑米3湯匙(即是薑切到好細粒)、花雕酒40 g、雞湯40 g、鹽少許
1. 大閘蟹洗乾淨後肚向上,蒸20分鐘,取出拆肉拆膏
2. 在炒鍋中先加入20g的生油,中火爆香薑米,直至聞到薑味
3. 加入大閘蟹肉及膏中細火炒香(留意需要用中細火慢慢炒香,因為蟹肉比較容易煮燶)
4. 把雞湯分三次放進炒香了的蟹肉蟹膏中,每一次放少少,等蟹肉及蟹膏盡量吸收雞湯,過程約需5至10分鐘
5. 蟹肉吸收蟹湯後,加入80 g的生油,以慢火慢推,大約5至10分鐘直至蟹粉煮好
6. 煮好後的蟹粉放在雪櫃可使用一至三天,放在冰格則可使用最多兩星期。

發佈回覆

你的電郵地址並不會被公開。 必要欄位標記為 *