土匪雞鎚

大家食雲南米線嘅時候好鍾意同土匪雞翼一齊食,我都唔例外,土匪雞翼味道非常獨特,佢嘅味道係來自一種叫孜然既粉,英文係cumin,即係大蝦粉絲煲嘅時候會落一粒一粒嘅種子(cumin seed)同一棵植物。

孜然粉常見喺大漠地區,蒙古、新疆等等嘅地方鍾意用呢款嘅香料烤羊肉,既可以辟除羊嘅臊味,更加可以增加肉嘅鮮味。

今次呢款土匪雞鎚,我仲加咗其他嘅香料,做法不難,就係需要多款嘅香料。其實我覺得如果鍾意煮嘢食嘅朋友可以置多啲香料喺屋企,就可以做出好多Mix and match嘅菜式!大家快啲試吓做啦。

材料:雞鎚10隻、黑芝麻少許
醃料:孜然粉1/4茶匙、紅椒粉1/6茶匙、五香粉1/6茶匙、胡椒粉少許、墨西哥辣椒粉1/6茶匙、蠔油一茶匙、蒜粉1/6 茶匙、生抽一茶匙、油適量
步驟:
1. 雞鎚洗乾淨後以1/3茶匙的鹽醃兩小時備用
2. 兩小時後把雞鎚醃料放進,醃最少兩小時
3. 雞鎚放在已預熱的氣炸鍋中(預熱180度4分鐘),以180度的溫度焗12分鐘
4. 黑芝麻洗乾淨抹乾水,放在鍋中炒香(不用加油),取出備用。
5. 取出雞鎚,灑上黑芝麻,再在上面灑上少許孜然粉即可

發佈回覆

你的電郵地址並不會被公開。 必要欄位標記為 *