第一次聽到呢個湯係師傅同我講嘅，佢話自己好鍾意飲呢一個泰式蔬菜湯，清清地但係又有香草嘅味道，比較特別。

上次到訪小丙嘅YYSpa第一次試呢款湯，一試愛上，但係後來好忙都冇時間研究，今次再去Bangkok，又再到訪YY Spa，試完味之後決心馬上整出嚟，遲咗一排，可能又唔記得咗係乜嘢味㗎啦！

呢款湯睇落去係一款平平無奇嘅蔬菜湯，其實湯底係用咗好多唔同嘅材料去煮出嚟嘅，所以湯底濃郁，再加上唔同嘅蔬菜有唔同嘅甜味，無論係keep fit定係想食清清地都好啱呢！