從細到大都好鍾意食滷水嘅食物，滷水雞翼、鵝掌翼、乳鴿、滷水蛋、滷水牛展……結婚後首年就嘗試自製滷水，不斷改良，最後有一個獨特嘅滷水食譜。
我相信其實唔同嘅家庭係有唔同嘅滷水食譜，而我今日就分享一下我哋屋企嘅滷水食譜啦！
大家都知道我係鍾意做泰菜，近幾年嘅滷水加入咗少少泰國菜嘅材料，例如香茅、南薑、芫荽根、新鮮沙薑，令到滷水嘅層次更豐富！
好啦就睇一睇第一煲嘅滷水究竟要點整呢？
材料（可以約3.5 公升的滷水）
香草材料1: 香葉10-15塊、小茴香半茶匙、八角4粒、桂皮2皮、果皮一塊、花椒一茶匙、甘草兩塊、新鮮沙薑一小塊、草果兩粒、羅漢果一個（只用羅漢果芯大約一小匙）
香草材料2:芫荽根兩至三條、南薑兩塊、香茅兩支（只要根部拍扁）
液體材料：頭抽2支、清水2.5L、冰糖900克、紹興酒2瓶蓋、老抽100毫升
其他：魚袋一個、豬筒骨$30（以跑活水的方法處理）
1. 香草材料1以白鑊炒香，放入魚袋中備用
2. 把清水放進煲中煮滾，加入香草材料2及香草材料1（即放在魚袋入邊的材料，把整個魚袋放進即可）先煮15分鐘
材料：乳鴿2隻、滷水適量
1. 乳鴿洗淨後先以適量的食醃最少1小時，之後放進滾水中汆水2分鐘左右，洗乾淨乳鴿
