龍蝦真係點樣整都好好食！上湯龍蝦伊麵、芝士龍蝦伊麵、龍蝦湯、龍蝦沙律……全部都好好食，但係講到最鮮味嘅就一定係龍蝦刺身！

其實本地嘅龍蝦或者係澳洲嘅龍蝦都適合用來做龍蝦刺身，首要係揀一間信得過嘅海鮮檔，因為做刺身，龍蝦的肉不會經過加熱處理，所以要選擇一間乾淨企理嘅海鮮檔。

自己做龍蝦刺身，其實不難，就係要少少耐性同埋時間，至於點龍蝦刺身嘅醬汁，我個人認為用日本嘅柚子醋最為適合，大家快啲睇吓龍蝦刺身要點樣做。