中國人有句俗語，叫做以形補形！隻手整親一段時間，一係就煲花生眉豆雞腳湯、一係就炆豬手，尋晚突然間想食西餐，就諗不如整隻德國鹹豬手啦！

鹹豬手喺凍肉舖好容易買到，只需要稍為加工，就可以做到非常美味嘅德國鹹豬手！而秘訣就係一罐美味嘅麥啤，雖然未能出街，也可以享受餐廳質素嘅德國鹹豬手！