喺凍肉舖買嚟一排黑毛豬肋骨，本身諗住整醬燒豬仔骨，但係又懶懶地😂最後決定展開佢一條一條用嚟炆！喺屋企左右摷啲材料，想整一啲不一樣嘅味道，突然間諗起喺韓國嘅時候食豬仔骨，佢哋用上水梨去醃肉，肉質嫩滑不柴又多汁，加上水梨甜甜地嘅味道實在不錯。屋企沒有水梨，就用蘋果啦！效果亦都幾理想，天氣開始涼嘅時候可以整嚟食，一煲暖笠笠。