有住在美國的朋友非常喜歡元朗b仔的雞翼尖，問我可否寫食譜教她整。問題是，我從來都無食過🤣，原因是雞翼尖含有很多激素，對身體無益，加上個人不太喜歡雞粉，所以每次去b仔，都沒有試。
拖了朋友良久，今天到訪b仔，好吧，試少少睇下自已整唔整到☺️，果然雞翼尖好惹味，又香又滑，加了蒜蓉同紅辣椒，充滿蒜香味但不太辣。吃完後尋尋覓覓，終於找到有機無激素雞翼尖，可回家試煮。
用了無激素翼尖加上有機雞湯的D仔翼尖，味道也不錯，加上自已煮，辣度可調，食得更放心呢！
材料：有機無激素雞翼尖2包、蒜頭3大個、辣椒4隻、雞湯1L、花雕酒200、麻油適量、糖2-3湯匙
步驟：
- 翼尖放在雪櫃先解凍，解凍後的雞翼尖以跑活水處理後洗淨
- 蒜頭去皮切粒、辣椒切粒。
- 在鍋中加入花雕酒、雞湯、麻油、糖煲滾，加入一半份量的蒜粒、辣椒粒及雞翼尖，蓋上蓋子中細火煮30分鐘後關火
- 加入餘下的蒜頭焗30分鐘即成
- 油光閃閃的雞翼尖，邪惡又好味
- 如喜歡食譜，可讚好Facebook 《Daphne樂思廚》專頁，逢星期一、三、五都會有新食譜分享啊❤️