平時不太吃肥肉的我，間唔中其實都鍾意食東坡肉，雖然睇落去肥膏仍然喺度，但係因為經過長時間煮嘅過程，所以沒有絲毫的油膩感。相反由於炆煮過程很長，所以肉變得又林又香，入口即溶😍，配合東坡肉汁，飯都食多幾碗！

東坡肉其實唔難做，就是需要很長的時間，大家有時間在家的話，不妨讓讓它慢慢炆煮，細細火煮又唔使點樣睇火，其實都好方便！

材料：豬腩肉一條、紅蔥頭三粒（一開4）、薑片兩片、蔥段適量

東坡肉汁材料：冰糖兩茶匙、老抽兩茶匙、生抽三湯匙、水適量（不用蓋過肉，水量大約是肉的一半高度）、八角兩粒、桂皮一條、紹興酒一瓶蓋

其他：綿繩

步驟

1. 豬腩肉洗乾淨，以跑活水的方式處理，盛起再洗乾淨，放進另一煲滾水中煮25分鐘

2. 把豬腩肉切開成正方形，去除豬腩肉的骨

3. 使用綿繩把腩肉扎實，詳細扎法如圖

4. 在炒鍋中爆香紅蔥頭、薑片、八角、桂皮及蔥白，盛起

5. 在同一炒鍋中煎香豬腩肉的四邊，盛起備用

6. 把炒香了的紅蔥頭、薑片、八角、桂皮及蔥白加進炒鍋中，加入冰糖慢慢煮融至焦糖

7.加入豬腩肉、青蔥段及東坡肉汁材料煮滾，以小火炆2小時，在兩小時中要間唔中把豬腩反轉

8.時間到了查看豬腩肉是否已經煮好，如果不夠林，可以增加炆煮時間