日式美食 牛油清酒煮花甲 Posted by Daphne 樂思廚 on 2022-08-25 今日打風所以老公都留喺屋企食lunch，好彩附近街市裝修咗，近近地都買到餸！買來兩斤花甲王用簡單方法煮。 牛油清酒煮花甲，雖然用上清酒，但其實烹煮嘅過程入邊酒精都揮發左，小朋友都照食啦！仲話好好食添，今次呢個食譜比較簡單，一次過寫埋俾大家，睇吓下面啦！ 材料：花甲一斤、牛油10克、日本清酒80毫升、味霖一湯匙、魚露少許、蔥花少許、蒜頭四粒（切粒） 步驟：1. 花甲先以滾水烚開口，洗乾淨備用2. 在炒鍋中加入牛油，爆香蒜粒 3. 加入花甲略炒後，注入清酒及味霖，蓋上蓋子煮2分鐘左右（試味時發現冇乜酒味就可以啦） 4. 加入少許魚露調味 5. 灑上蔥花即可
