很多朋友問我，你的家人是否成日都試新菜色？因見我成日都在Facebook post 相試整新菜色,其實，我家老公同小朋友對食物的要求不多，就算日日食雞翼、豬肉餅也可！只是他們有一個愛玩怕悶的老婆、媽媽，所以成日搞搞震，整唔同既野俾佢地食
昨天又來搞搞新意思，將老公同小朋友最喜歡的食物一齊煮-老公喜歡吃乳鴿、栗子。小朋友愛冬菇及糯米飯！就來一個cushion, 整一個香菇栗子糯米飯吧！估唔到糯米釀在乳鴿中，吸收了乳鴿的肉汁，又煙韌又好味！栗子香菇的味道與糯米非常夾，就咁食都好好味！乳鴿因爲有糯米在內，需要長一點的煮食時間，皮很脆而肉非常嫩滑！放假時不妨搞搞新意思，可能會有意外收穫呢！
材料：乳鴿2隻、糯米1杯（我用了2杯-剩餘的就咁食）、栗子半磅、冬菇2中大隻、蔥花少許、蜜糖少許
乳鴿醃料：鹽少許、豉油少許
糯米飯汁料：鼓油1湯匙、椰糖少許、魚露少許、老油半茶匙、麻油1茶匙（先試味，應偏咸）
步驟：
- 乳鴿洗淨後以醃料醃過夜
- 糯米以室溫水浸2個小時
- 栗子洗淨去皮，隔水蒸10分鐘、香菇以水浸軟後切片
- 乳鴿收滾水燙30秒後盛起，洗淨後剪開鴿胸
- 燒熱鍋子，放入香菇片炒香，加入糯米及栗子略炒後注入半杯水（水量是米的一半）
- 蓋上蓋子，以中火煮至冒煙後轉小火煮5分鐘，加入汁料及蔥花拌混
- 把糯米飯釀入鴿中，以牙簽收口
- 放入已預熱180度的焗爐/光波爐，肚子向上，焗18分鐘，反轉再焗18分鐘，掃上蜜糖，每邊再焗2-3分鐘即成！
- 如喜歡食譜，可讚好Facebook 《Daphne樂思廚》專頁，逢星期一、三、五都會有新食譜分享啊❤️