乳豬其實係屋企人幾鍾意食嘅食物之一，出街有陣時都會點來吃，但係我就好少整乳豬，因為其實有少少驚🥲🥲，但係自己整嘅乳豬又真係好食好多，所以間唔中都會整吓嘅。
上星期收到供應商送來的乳豬，雖然係2.5 kg嘅乳豬，但係放入build in嘅家用焗爐都係啱啱好！
今次用上南乳醬、五香粉等等材料去醃製，唔需要插豬皮，但係皮都係好脆！大家快啲睇吓點樣整！
醃料：鹽2茶匙、南乳1磚、腐乳2磚、糖半茶匙、五香粉1/2茶匙、紅椒粉1/4茶匙、生抽一湯匙、蠔油兩茶匙、蒜粉1/4茶匙
上皮料： 麥芽糖兩湯匙、大紅淅醋2湯匙、紹興酒一瓶蓋、水少許
其他：車厘茄少許、蒜頭五至六粒
醬汁材料：南乳半磚、腐乳兩磚、糖少許、生抽一湯匙、水少許
1. 越南乳豬放雪櫃解凍（最少要解凍18小時以上）
2. 取出乳豬洗乾淨，如果焗出來的形狀靚啲，可以喺豬下巴位置切一刀
8. 最後調高焗爐溫度至220度，焗10分鐘左右至皮脆即可。
9. 醬汁材料只要煮滾即可，用來點豬吃很好味
