估唔到咁多人鍾意食雞絲粉皮，呢個前菜其實非常容易煮！重點係買到好食嘅粉皮就可以啦！當然亦都可以自己整，工序亦都唔算太繁複（下次再出post同大家分享），今次個post用着現成嘅先。
其實我都試過唔同牌子嘅粉皮，終於搵到一款好味嘅，唔好食嘅粉皮會帶有粉嘅奇怪味道，而今次呢一款粉皮，質地不錯味道也OK！
至於雞方面，就用上新鮮嘅三黃雞，加埋自製嘅醬汁同埋沙律用嘅青瓜，15分鐘搞掂！以後自己煮唔使出去食啦！
醃雞材料：鹽一茶匙、沙薑粉少許
醬汁材料：芝麻醬三湯匙、生抽一茶匙、鹽少許、柚子醋半茶匙、熱水一茶匙、麻油一茶匙、糖少許
其他：炒香了的白芝麻適量、鹽水適量、冰水適量
1. 三黃雞以醃雞材料醃兩小時，放入蒸爐，以20分鐘蒸熟（也可以隔水蒸），放涼後撕成雞絲備用
2. 青瓜刨絲，放入鹽水中（記住用飲用水啊）浸15分鐘，瀝乾水份備用
