keep fit嘅時候，要食多啲蛋白質，但係又唔想咁悶、又想好味可以點樣做？就花啲心機，整蝦膠、剁豬肉、煎豆腐！
一般嘅釀豆腐用硬豆腐嚟做，因為冇咁容易爛，但係質地就會爭少少，有心機嘅可以用嫩豆腐去做，食落去質感更加好，係煎嘅時候要小心啲。
材料：梅頭豬肉100克、蝦仁150克（打蝦膠用）、嫩豆腐兩件、蔥花適量
豬肉醃料：生抽1茶匙、糖少許、蠔油一茶匙，生油少許
蝦膠調味料：蛋白半隻、鹽1/3茶匙、糖少許
醬汁材料：蠔油一湯匙、生抽1.5茶匙、糖少許、老抽少許、生粉水適量
步驟
梅頭豬肉洗乾淨後抹乾，然後剁成肉碎，加入豬肉醃料醃30分鐘，想彈牙一點的話可以用手把肉碎撻成肉膠
急凍蝦仁以流水的方法解凍，抹乾後沿蝦背切開，除去蝦腸後用刀拍碎，然後用石盅盅成蝦膠，放在容器中加入蝦膠調味料然後撻成蝦膠
把豬肉加入蝦膠比例1:1
嫩豆腐小心洗乾淨後抹乾，一件切開四件厚件，然後讓入蝦膠豬肉
在平底鍋中加入適量的油，蝦膠肉碎面向下，先煎香5分鐘，然後小心地反轉再煎5至8分鐘直至金黃色
加入醬汁材料及適量的水（水量蓋過豆腐的¼），蓋上蓋子用細火煮5至8分鐘
然後試味直至合適，加入適量生粉水，然後灑上蔥花即可