阿仔好鍾意食牛肉！尤其愛吃牛仔骨，之前嘅牛仔骨做法食到有啲悶！就整一個新嘅牛仔骨味道俾佢試吓啦！呢個食譜用咗白芝麻、孜然粉、紹興酒同埋其他香料，最後加上咗蜜糖，甜甜嘅味道，我相信所有小朋友都鍾意！
今次用上氣炸鍋嚟烹調，簡單方便又好味！
牛仔骨醃料：紅椒粉1/3茶匙、黃咖喱粉1/3茶匙、孜然粉1/3茶匙、魚露少許、蠔油半湯匙、生油一茶匙
其他：蜜糖適量
1. 牛仔骨解凍後，沿骨切開，洗乾淨抹乾水備用
2. 牛仔骨以醃料醃最少3小時，過夜更佳
3. 把牛仔骨放在氣炸鍋中，以180度氣炸9分鐘
4. 把蜜糖掃在牛仔骨上，調高溫度至200度，在氣炸2至3分鐘即可
係咪好簡單呢？大家快啲試吓啦！