茄子呢樣野好特別，一係好鐘意、一係就好唔鐘意！屋企人得我同埋阿女會食茄子，我算係鐘意呢款蔬菜，喜歡佢獨特既甜味及質感。今次用上鹹蛋黃同埋自製肉餅去蒸茄子，為茄子增添鹹香嘅味道！一個人可以食晒一條，自私食都得😆咁遲先同大家分享文字食譜， YouTube食譜，下次再整嘅時候後補啦！
豬肉醃料：生抽一茶匙、蠔油一茶匙、糖1/3茶匙、鷹粟粉少許、魚露少許、水兩湯匙左右、生油適量、鹹蛋白一隻
汁料：生抽兩湯匙、水4湯匙、白糖2-3茶匙、老抽少許
其他：滾油適量
1. 梅頭瘦肉剁碎，加入豬肉醃料，順時針攪拌勻循，然後用力撻成膠，先醃15分鐘
