蛋類嘅料理可以話係屋企不可或缺嘅料理之一，雞蛋可塑性非常高：用嚟蒸水蛋香滑好味、簡簡單單煎太陽蛋香脆可口、用嚟炒飯加添炒飯嘅香氣、用嚟整黃咖喱炒蟹除咗淡淡嘅蛋味加落醬汁之外，仲可以令到醬汁變杰，加上不同嘅材料，雞蛋嘅料理真係千變萬化！今日就同大家介紹一下清雪櫃非常好嘅一款脆卜卜芙蓉蛋。

加入咗叉燒、銀芽、韭黃同埋鮮蝦粒嘅芙蓉蛋外脆內軟，加上非常容易做又好送飯，忙嘅時候可以參考吓整呢樣啦。