話咁快端午節又就快到！
五月尾要去中學嗰度教班，教少數族裔嘅同學仔大部份都唔食豬肉，有啲又唔食蝦米、有啲又唔食鮑魚，既然係咁就研發一隻素糭，大家都食得。
好多人覺得素糭味道唔夠鹹肉糭豐富，但係其實素糭入邊有好多唔同種類嘅豆豆、加埋姬松茸同埋羊肚菌，味道都好好！今日整完食咗一隻，真心覺得唔錯🥰加上冇落到肥豬肉同埋鹹蛋黃，對身體負擔冇咁重，今個端午節，大家不妨試吓整啦！
材料（可以製作20隻素糭）
糯米兩斤、邊綠豆一斤、眉豆30湯匙、蓮子30湯匙、栗子20粒、羊肚菌20隻、姬松茸10隻、糭葉80塊、棉繩一卷
醃料及其他準備：沙薑粉、鹽、糖、油、素蠔油、生抽、鹼水、紅棗四粒（去核）、冰糖適量
準備步驟（包糭前1-2日準備）
1. 糭葉逐塊洗乾淨，加入清水浸1天，放在加入了一湯匙的油及鹼水中煮40分鐘，取出後瀝乾水份備用
準備步驟（當天早上）
蓮子：洗乾淨後用熱水浸15分鐘，除去蓮子芯（非常重要的步驟！因為蓮子心好苦好苦的）
放在熱水中煮5分鐘，然後加入兩湯匙生抽及少許冰糖，焗10分鐘
姬松茸及羊肚菌：洗乾淨後用室溫水浸1小時，在炒鍋中加入少量油，把姬松茸及羊肚菌加入，再加入紅棗炒香，把浸羊肚菌及姬松茸的水過濾一下，然後加進，加入蠔油2湯匙、生抽少許及冰糖少許，煮滾後以慢火煮15分鐘，取出備用
眉豆：浸兩小時後洗乾淨，放在煮完姬松茸及羊肚菌的水中，以中小火煮10分鐘，取出放涼備用
栗子：放滾水煮10分鐘後熄火再焗20分鐘，取出備用
糯米：浸4小時後加入2湯匙的鹽、少許糖及2湯匙的油
邊綠豆：浸2小時後加入2茶匙的鹽、少許糖、1茶匙的沙薑粉及2湯匙的油
包糭步驟
1. 先取4塊糭葉，跟上圖放好
2. 雙手放在糭葉的兩邊，摺疊起來
3. 留意底部應該有一個尖的位置
4. 加入兩湯匙糯米，再加入2湯匙的綠豆，然後後按次序加入1.5湯匙眉豆、1.5湯匙蓮子、一粒栗子、一隻姬松茸、兩隻羊肚菌、再加入兩湯匙綠豆，最後加入三湯匙糯米
5. 把糭包好
6.用棉繩紮實，放在滾水中煮2.5小時即可，中途要留意水份是否足夠蓋過素糭
食嘅時候加少少生抽，更加美味