突然想補充骨膠原?食豬手就啱啦！晏晝去街市買來一隻新鮮嘅豬手，斬件之後先燒晒啲毛然後慢慢炆，用上新鮮沙薑、乾沙薑同埋沙薑粉整出嚟嘅豬手，唔單止骨膠原滿滿，仲好香添！
一路煮，成間屋都係沙薑嘅香味😍喜歡沙薑嘅朋友唔好錯過啦！
材料：新鮮豬手一隻（請肉檔代為斬件）、沙薑兩至三粒（拍碎後大約一湯匙份量）、乾沙薑片一湯匙
醬汁材料：沙薑粉一茶匙、紹興酒一瓶蓋、蠔油1.5湯匙、魚露一茶匙、冰糖適量、水300毫升、生抽兩湯匙、蔥段適量（我放在茶袋中）
步驟：
新鮮豬手買回來後洗淨，用火槍把豬毛清理乾淨，然後把豬手放在室溫水中煮滾，取出洗乾淨備用
再炒鍋中加入適量的油放入豬手爆香，直至金黃色
把豬手放到一邊，然後加入新鮮沙薑及乾沙薑爆香
注入紹興酒，然後加入其他醬汁材料煲滾，然後轉小火炆煮大約1小時(我今次用高壓煲只係煮咗20分鐘再焗15分鐘就夠晒淋啦）
1小時後試味，可以按喜好加入適量的生抽及魚露，如果豬手唔夠腍，可以再加時間炆多一陣
由於豬手比較多油分，我嘅習慣係會將醬汁倒出，然後用隔油壺隔掉油份，再回鍋加熱一下
鍾意香啲嘅朋友可以加啲蔥花入去