以前喺佐敦教書嘅時候，好喜歡去廟街附近嘅一條街嗰度食lunch，嗰一間餐廳係印度人開嘅，butter chicken with naan bread 超級好食！嗰陣時間唔中都會同同事專登行去嗰度食午餐，除此之外，仲有好好味嘅chicken kebab，轉眼間已經過咗咁多年，唔知而家嗰間餐廳仲喺唔喺度呢？

今日心血來潮，加上屋企嘅雪櫃咁啱有四件雞扒，係新鮮雞髀去骨嘅雞扒，本身打算整日式照燒雞，但係今日又唔想食，所以就整咗呢一個butter chicken，配合埋之前整嘅手抓餅，雖然有少少肥，但係非常滿足🥰回憶嘅感覺，永遠都係最好嘅。