喺摩洛哥返咗嚟差唔多半個月，終於扚起心肝寫一個摩洛哥嘅食譜！鹹檸檬嫩雞塔吉鍋，喺摩洛哥Cooking Class學嘅菜式，非常容易整，只需要材料夠齊，醃咗啲雞就咁擺落塔吉鍋嗰度煮就搞掂！方便快捷！
喺寫食譜之前講一講塔吉鍋，佢係一個漏斗型嘅鍋，用陶土去做，非常鎖水，就算長時間炆煮，肉質仍然可以保持鮮嫩，除咗用嚟整摩洛哥菜式之外，用來整炆煮嘅菜式都非常適合，如果冇呢個鍋嘅朋友可以考慮入手一個！
材料：三黃雞一隻（斬大件）
雞肉醃料一：鹽一湯匙
雞肉醃料二：½茶匙黑椒碎、一茶匙孜然粉、一茶匙薑蓉、½茶匙黃薑粉、一茶匙紅椒粉、三茶匙蒜蓉、1/3茶匙糖、橄欖油兩湯匙、水兩茶匙、鹽½茶匙
其他：綠橄欖或紫橄欖12粒、鹹檸檬兩個、芫荽葉適量、洋蔥兩個
步驟：
新鮮三黃雞買回來後洗乾淨，斬大件，以雞肉醃料一先醃最少3小時
把雞肉醃料二拌勻（橄欖油及水除外）
加入橄欖油及水
加入雞肉中醃最少3小時
洋蔥兩個切絲
用手不斷擠壓大約8至10分鐘，直至洋蔥變腍及出水
在塔吉鍋中至洋蔥絲及洋蔥水，在上面加入雞件
鹹檸檬洗乾淨後切件（一開四），放在雞肉中，然後加入橄欖
把塔吉鍋的蓋蓋上，先以中火煮滾，然後轉小火煮1小時
1小時後試味，可按喜好加入少許鹽及糖，如果水份太少的話也可以加入一點水份，然後再煮半小時
最後加入芫荽葉即可
雖然煮咗好耐，但係雞肉依然嫩滑，未入手嘅朋友可以考慮買一個😈