喺中菜嘅烹調上湯用得好多，尤其係雞上湯，喺好多菜式嗰度都會使用。大家喺屋企煮嘢嘅時候如果要用上雞湯，好多時候都會去超級市場買盒裝嘅雞湯，最出名嘅盒裝雞湯好多都含有增味劑及其他調味料，飲得太多對健康亦都唔係好好；而有機嘅雞湯呢？味道係可以嘅，但係價錢就會比較貴！一盒雞湯一litre要40幾蚊。

其實，喺屋企自製雞湯並唔難，既新鮮又經濟實惠，仲要無添加好健康！最近有好多follower入手咗Instant Pot，今次就教大家用壓力煲做雞湯，冇壓力煲嘅朋友都可以得到，只係時間需要耐啲。整好嘅雞湯，可以放喺冰格保存一個月，分開一盒盒，每次用一盒，好方便又經濟！