天氣逐漸轉涼，好想食啲有湯嘅菜式！加上工人姐姐星期日放假，於是星期六早早準備定清湯牛腩，今日有得食。
清湯牛腩最好食嘅除咗牛腩之外，仲要係個湯同埋秘製嘅蘸汁！牛肉炆煮到軟硬適中，唔會太腍，加上清甜嘅湯頭，好味😍
材料：新鮮牛坑腩一斤、日本大根半個（滾筒狀切件）
底湯調味材料: 雞湯1公升、香草材料（薑片兩片、八角兩粒、桂皮一條、草果一粒、白胡椒粒一湯匙、香葉四至五片，全部放在煲湯袋中）、魚露少許、冰糖兩小粒
其他：米酒一瓶蓋、薑兩片
蘸汁材料：A:蒜頭兩粒（切粒）、蔥花一茶匙、芹菜粒一茶匙、指天椒三至四片、糖1/3茶匙、鹽少許、芝麻一茶匙B: 滾油適量
C:生抽兩湯匙、芹菜葉及芫荽葉（切碎）少許
步驟：
1.牛腩買回來後洗乾淨切大件
2.把牛腩放在室溫水中，加入一瓶蓋米酒及兩片薑煮滾後取出洗乾淨
3.在鑄鐵鍋中加入底湯材料，煮滾後加入牛腩，大火滾起，然後以中小火炆煮1小時，打開蓋，再把日本大根加進，煮30分鐘，關火後再焗30至45分鐘
4.打開蓋子，檢查牛肉是否夠腍，如果鍾意淋一啲嘅話，可以再開火15分鐘再焗一會兒
5.把完成了的牛腩取出放涼
6.牛肉湯放入適量的調味料（例如鹽及魚露）試味至合適
7.想清湯更加清，可以把放涼後的清湯放在雪櫃一晚，然後除去表面上的油脂
8，牛肉放涼後才切件，會靚啲，把牛肉放在碟中，旁邊加入幾塊蘿蔔，注入加熱了的清湯，想靚啲嘅加入芫荽同埋蔥蔥花
蘸汁烹調步驟
在大碗中，加入材料A，然後倒進滾油（材料B)，最後拌入材料C即可。