炸春卷小朋友好鍾意食，因為超級香口！阿仔仲要係食唔停口🤣自己整嘅炸春卷，用上新鮮嘅材料不在話下，最緊要係啲食油，保證新鮮唔會用上萬年油😌

好多朋友問我：「屋企炸嘢唔煩咩？」，其實如果炸少少嘢嘅話，用一個細嘅鑄鐵鍋慢慢炸，油量唔係好多！今次需要炸比較多嘅嘢就開隻鑊，放油去到鑊嘅中線，其實又唔係真係用好多油，炸完既油，通常我會用多一次來炸食物，或者分開好多次用嚟炒菜等等，最後都唔會好浪費嘅😉

至於春卷，其實內餡冇特定，但係我自己最喜歡放豬肉蝦同埋粉絲，再加一啲蔬菜落去，令到冇咁油膩🙃

大家就一齊睇吓我嘅炸春卷食譜啦！