中國有句諺語話：「欲速則不達」，喺西方嘅烹飪藝術入邊，法式洋蔥湯完全可以體會到呢句諺語。看似簡單唔昂貴嘅食材，最貴其實就係心機、耐性同埋時間。法式洋蔥湯，炒洋蔥嘅過程需時45分鐘至1小時，要睇住洋蔥慢慢變色，唔可以校鬧鐘一定要望到實，少啲耐性都唔得。不過飲咗自己整嘅法式洋蔥湯之後，就好難返轉頭，因為自己整，用嘅材料一定最靚啦。

今次為咗慳啲時間，已經冇自己熬製牛骨湯，用上有機嘅牛骨湯去煮，味道依然。