荷葉彙整 - Daphne 樂思廚

鮑魚蟹肉荷葉飯

dralanlam — Tue, 16 Apr 2024 10:16:44 +0000

荷葉飯大家就食得多啦，加埋鮑魚同埋蟹肉嘅荷葉飯就更加好味！有陣時經過海鮮檔見到細細隻嘅鮑魚仔，幾十蚊一份好抵食，用嚟整荷葉飯既好味又得體，如果有客人嚟屋企每人一個荷葉飯，都係唔錯嘅選擇！

材料：白米三杯、鮑魚仔六至八隻、蟹肉適量（我今日買咗一隻松葉蟹，拆咗啲蟹肉嚟用）、冬菇四隻（切粒）、蝦米兩湯匙、荷葉一片

鮑魚炆煮材料：薑兩片、生抽兩湯匙、蠔油兩至三湯匙、冰糖少許、水三杯（米杯）、老抽少許、紹興酒一瓶蓋

步驟：
1. 鮑魚仔洗乾淨後，起出鮑魚的肉，抹乾備用
2. 在炒鍋中加入適量的油，爆香薑片，加入鮑魚仔炒香，加入紹興酒炒一會兒，直至香氣四溢

3. 加入鮑魚炆煮材料的其他調味料
4. 待汁料滾起後，以中小火炆煮45分鐘至1小時，取出鮑魚
5. 把其中一半切粒備用

6. 在另外一個炒鍋中爆香蝦米後，加入冬菇爆香，再加入鮑魚粒炒香，注入瀝乾了水的白米，然後放入三杯鮑魚汁（如鮑魚汁不夠三杯的話請加水）

7. 把米放在蒸爐或電飯煲蒸熟

8. 煮熟後加入蟹肉攪拌勻循

9. 荷葉滾水灼軟，放涼備用
10. 把荷葉剪開，放入兩碗飯，然後把荷葉摺起來
11. 吃的時候用鉸剪把荷葉剪開，然後把鮑魚放在上面

12. 想靚啲嘅話加啲金箔，放入外賣盒送俾朋友都一流

這篇文章鮑魚蟹肉荷葉飯最早出現於 Daphne 樂思廚。

象拔蚌仔乾魷魚荷葉飯

Daphne 樂思廚 — Wed, 19 Apr 2023 17:04:59 +0000

批發商最近搵我話入咗一批好靚嘅半乾濕魷魚，喺泰國過嚟嘅，叫我買啲返去試吓！有新材料就整個新食譜！用半乾濕魷魚仔嚟整荷葉飯帶點鹹香味、帶點鮮味！

飯嘅上面鋪滿晒象拔蚌仔，鮮甜嘅象拔蚌汁流啲飯到

工人姐姐話：「不如聽日再煮多次？」，姐姐都比我train到好識食

材料：白米兩杯、雞湯兩杯、乾瑤柱兩粒、蝦米一湯匙、半乾濕魷魚仔六至七隻、荷葉一塊、蒜頭六粒（切細粒）、象拔蚌仔六至八隻、冬菇五隻

蒜頭調味：蠔油、生抽及糖少許

荷葉飯豉油：生抽2茶匙、老抽一茶匙、玫瑰露酒一瓶蓋、糖少許及生油少許

其他：蔥花適量

步驟
1. 冬菇及乾瑤柱用室溫水浸軟
2. 冬菇洗乾淨後切粒

3. 瑤柱撕碎

4. 荷葉用熱水浸軟
5. 半乾濕魷魚仔洗乾淨後，切件（記得要洗乾淨入邊嘅內臟）

6. 在炒鍋中加入適量的油，爆香蝦米、乾瑤柱、冬菇及半乾濕魷魚仔

7. 加入的乾了的白米略略炒香
8. 注入雞湯煮滾

9. 然後放進電飯煲或者蒸爐煮熟（蒸爐蒸20分鐘）

10. 蒜頭放小鍋中爆香，加入少許蠔油、生抽、魚露及糖調味備用

11. 荷葉放進蒸籠中，加入已煮好的飯

12. 象拔蚌仔劏好洗乾淨（可以睇吓YouTube教學要點樣洗）13. 在飯上面放進象拔蚌仔及蒜頭
14. 放進蒸爐中蒸煮4分鐘

蒸好後加入蔥花

15. 荷葉飯汁放進小鍋中煮滾即可

這篇文章象拔蚌仔乾魷魚荷葉飯最早出現於 Daphne 樂思廚。

荷香魷魚蒸鮮雞

Daphne 樂思廚 — Thu, 21 Jul 2022 00:09:25 +0000

今年既夏天好熱！歐洲熱浪，溫度達到差唔多40度！香港都唔弱，酷熱天氣警告多日，出街都有融化既感覺

一到夏天，就諗起幾樣野：西瓜、荷葉、冬瓜，消暑消暑！家中常備乾荷葉，要用時隨時有！今次既蒸雞，加上係泰國新鮮運到的魷魚乾加埋日本香菇一齊蒸，簡單又好味

材料：新鮮雞半隻（我用三黃雞）、乾荷葉一塊、日本花菇4-6隻、泰國魷魚乾4-5隻、瑤柱一粒

醃料：生抽一茶匙、蠔油一茶匙、糖少許、老抽少許、油少許、鹽1/3茶匙

步驟
1. 鮮雞先以鹽醃最少2小時，冬菇及瑤柱浸軟、魷魚乾浸軟
2. 魷魚去掉中間軟骨，切粗絲
3. 冬菇切片，以少許糖醃一會
4. 鮮雞斬件加入醃料

5. 加入魷魚，一起醃1-2小時

6. 荷葉洗乾淨後以熱水浸軟，鋪在蒸籠底

7. 把雞件放在籠底

8. 置上冬菇及瑤柱絲

9. 蓋上蒸籠蓋子，放蒸爐蒸13分鐘，焗2分鐘即可。

這篇文章荷香魷魚蒸鮮雞最早出現於 Daphne 樂思廚。

蒜香花蝦荷葉飯

Daphne 樂思廚 — Mon, 28 Sep 2020 15:19:30 +0000

海鮮控的我今日想食中菜，做完外送回家後有點夜。但為左食，都係要親自操刀，最後食左兩大碗飯，兩隻奄仔蟹同埋好多蝦大大滿足呢！

材料：糯米3杯、白米1杯、蝦米2湯匙、瑤柱1粒、冬菇4隻、花蝦一斤、蒜頭10-15粒、蔥花少許、雞湯2杯、荷葉1塊

步驟：

1. 糯米洗淨，以水浸最少3小時備用

2. 冬菇浸軟後切粒、蝦米洗淨、瑤柱浸軟後撕開

3.花蝦去腳，剪去頭部及去掉沙囊，去腸

4. 在平底鍋中以少許油爆香冬菇粒、蝦米及瑤柱至金黃

6. 加入糯米及洗淨的白米，再注入2杯雞湯鋪平，蓋上蓋子至冒煙，轉小火煮5分鐘即成糯米飯

7. 荷葉洗淨以熱水焯1分鐘，取出及剪去中間硬的位置

8.爆香蒜粒，加份少許生抽、糖及魚露調味

9.把荷葉放在蒸籠

10.加入糯米飯鋪平及放上花蝦，在花蝦中間放入炒香了的蒜及蒜粒

11.把荷葉蓋好，蓋上蒸籠蓋，以滾水或蒸爐蒸7-8分鐘，灑上蔥花即成

12. 吃時拌以甜豉油汁，倍感美味！

這篇文章蒜香花蝦荷葉飯最早出現於 Daphne 樂思廚。

鮮荷葉蟹香糯米飯

Daphne 樂思廚 — Mon, 29 Jul 2019 10:00:39 +0000

今天做司機，送老公返工。晨早溜溜送完返工就去附近食個靚早餐再逛逛街市，看看有甚麼新鮮的食材。首先來到蔬菜區，沒有甚麼特別的發現，剛想離開到肉食區時，給我看到有新鮮翠綠的荷葉賣，只此一片！馬上買了，之後就逛逛我最愛的海鮮檔，也買來了兩隻奄仔膏蟹。晚上拿出很久沒有用的蒸籠做一個糯米飯。蟹膏又香又濃，加上香菇、蝦米及瑤柱的糯米飯，好味到飛起呀！材料：糯米1.5杯、白米半杯、奄仔膏蟹2隻（半斤一隻）、冬菇3隻、蝦米1.5湯匙、瑤柱1粒、荷葉一塊（鮮或乾）、雞湯1杯（米量的一半）、蔥花少許、紅蔥頭2粒汁料：生抽2湯匙、味琳1湯匙、魚露少計、椰糖約1茶匙、玫瑰露酒少許

用具：竹蒸籠1個

步驟：