估唔到原來大家好鍾意藍花蟹，琴日一張相一個鐘頭裏面有好多朋友like左，仲有朋友話今日已經訂咗藍花蟹要試整！咁即係今日我一定要出到食譜俾大家啦🤭
又來晨早流流寫食譜，其實花蟹我細個成日都食，以前屋企喺街市附近，媽咪經過街市嘅時候見到有平靚正嘅紅花蟹或者藍花蟹都會買一份返屋企做下午茶！
用花蟹來做伊麵可以增加一份鮮甜味同海水味，總之就係好味啦！
由於整咗花蟹伊麵好多年，所以想搞搞新意思，加埋沙薑落去又會係啲乜嘢嘅味道呢？
尋晚夜咗返屋企於是就用沙薑嚟做一道藍花蟹伊麵自己一個食，獨食難肥啊！
調味料： 紹興酒2湯匙、蠔油2湯匙、生抽2茶匙、糖少許、老抽少許、雞上湯一杯
其他：生粉水適量
1. 伊麵放進熱水中煲30秒左右，取出後放涼，以水喉水清洗（記得要清洗，去除油份）
2. 青蔥切段、沙薑及肉薑略拍扁、蔥頭一開四
3. 藍花蟹洗淨切件（可去除兩邊尖銳的位置），去掉蟹鰓部（蟹鉗一般不拍，因為蟹殼比較薄好容易月甩咗落去伊麵嗰度）
4. 在炒鍋中爆香肉薑、沙薑、洋蔥、紅蔥頭及蔥白至微黃色
