嗱嗱臨寫好食譜俾大家，以光速嘅速度去寫就知道呢隻燒雞有幾好食啦！因為我驚遲咗自己唔記得咗加咗咩落去😏🤭
今日下午嘅時候收到中學PE老師嘅電話，話俾我知佢有新鮮嘅芫荽同埋蔥，仲可以送過嚟俾我喎，當然嗱嗱臨要啦！估唔到老師俾咗好多好多芫荽，同埋好多好多蔥！
苦惱着要用呢啲咁新鮮嘅芫荽同埋蔥整啲咩呢？打開雪櫃一睇仲有半隻雞，不如就整個中式芫荽蔥燒雞？
西式嘅燒雞大家食得多，中式芫荽蔥燒雞會係咩味道呢？我實在非常好奇，於是決定做實驗睇吓O唔OK！
結果就係：食到停唔到口！非常腌尖嘅阿女話：「未試過咁好食嘅雞！」，比阿女更加腌尖嘅我，比今次隻燒雞100分！可惜老公今晚出咗去冇份食😜
芫荽蔥醬：芫荽三至四棵連根（切段）、蔥四至五條（切粒）、蒜頭兩粒、砂礓半隻手指尾份量（切粒）、沙薑粉三份一茶匙、生抽1.5茶匙、糖少許、黃薑粉¼茶匙、紅椒粉三份一茶匙、蠔油一茶匙、魚露少許、水兩湯匙、紹興酒一瓶蓋、麻油少許
其他：鹽少許、蜜糖適量
1. 三黃雞洗乾淨後以鹽醃最少兩小時
2. 在炒鍋中加入少許油，首先爆香沙薑及蒜頭，然後放入切好的蔥及芫荽
9. 打開錫紙以180度氣炸7分鐘
10. 最後調高氣炸鍋溫度至200度，在雞上掃上蜜糖，氣炸三至4分鐘至金黃即可